NAGA CITY- Nakasalbar man kutana sa aksidente sa motorsiklo, alagad dae man makakasalbar an sarong rebel returnee sa syudad kan Naga matapos madakupan kan dae lisensyadong badil.

Binisto an suspetsado na si Cris Cañeso, 32 anyos kan Mabalod-balod, Tigaon, Camarines Sur.

Segun sa impormasyon, naaksidente an piglulunadang motorsiklo ni Cañeso sa kalabaan kan Barangay Balatas sa nasambitang suyadad kun kaya niranihan ini kan kapupulisan.

Digdi nadeskobre kan mga otoridad na may kalibre 45 an suspetsado asin duwang magazine na may laog na 14 bala pero mayo man lisensya.

Mismong ini man subuot an nagpaliwanag na sya sarong rebel returnee asin sa presente nasa poder kan 42nd Infantry Batallion (IB) sa nasambitang banwaan.

Mientrastanto, maski subuot nasa poder na ini kan mga militar, dae pa man makakadulag sa kasong illegal posession of firearms an nasambitan ng rebel returnee.

Preparado man subuot an mga militar na isuko sa PNP si Cañeso oras na mag-isyu na nin warrant of arrest laban digdi.