LEGAZPI CITY - Nakatalaan na mag-olay ngonyan an mga opisyal sa kapulisan sa provincia, nagkapirang miyembro kan PDRRMC, Coast Guard, DSWD,asin iba pang departamento sa Albay na may koneksyon sa kalamidad.

Ini ngani man na alertuhon an mga ini sa sunod-sunod na nangyayaring harabasan kun saen targat pa kan mga ini an nagkapirang mga calamity gadgets siring na sana man kan mga wire, baterya asin mga computer.

Segun ki Office Civil Defense Bicol Regional Dir. Raffy Alejandro, bandang alas 9:00 ngonyan na aga, nakatalaan na mag-orolay an mga opisyal kan naunambitan ng mga opisina ngani mapag-olayan asin makapag sagibo nin plano o counter measure ngani maibitaran na mautro pa an panghahabas o pagkawara kan mga ekipahe urog pa na nakaka-elspiriencia ngonyan an provincia nin maraot na panahon.

Kun marurumduman, nairehistro an ikatulong insidente nin panghahabas sa oficina kan Phivolcs Legazpi na labi-labi man na nakaapekto sa uro-aldaw na operasyon kan ahensya para mamonitor an kamugtakan kan bulkang mayon.