LEGAZPI CITY - Dagos ng hinale sa puwesto an hepe kan pulisya sa mismong aldaw kan kapiyestahan kan banwaan kan Paracale sa Camarines Norte kawsa kan pagpalyar na mapuho an operasyon nin jueteng sa lugar maging an illegal mining sa saiyang nasasakupan.

Kun marurumduman, nagkapirang beses na napabareta an lantarang operasyong kan iligal na jueteng sa nasabing lugar maging an bako mahigot na pagbabantay kan mga ini rason ngani na magdakol an bilang kan mga nag-ooperate nin iligal na pagmimina sa nasabing provincia kun saen, napabareta pa an pagkagadan kan duwang minero sa pinakahuring insidente sa sarung minahan sa nasabing banwaan.

Huli kaini, pormal nang rinibayan bilang acting Chief of Police si P/Sr. Insp. Honesto Garon ni P/Chief Insp. Arnulfo Maravilla Selencio, dating Police Information officer sa Camp Wenceslao Q. Vinzons Sr.

An nasabing lakdang an katakod kan kasuguan gikan sa oficina ni Interior and Local Government Secretary Jesse Robredo na tulos man nindang ipinautob.

Enot kaini, labi-labing nakigkig si Garon kan maresibe an relieve order na haros pirang bulan pa sana man na naninirbihan sa banwaan kan Paracale sa nasabing provincia.LEGAZPI CITY - Dagos ng hinale sa puwesto an hepe kan pulisya sa mismong aldaw kan kapiyestahan kan banwaan kan Paracale sa Camarines Norte kawsa kan pagpalyar na mapuho an operasyon nin jueteng sa lugar maging an illegal mining sa saiyang nasasakupan.

Kun marurumduman, nagkapirang beses na napabareta an lantarang operasyong kan iligal na jueteng sa nasabing lugar maging an bako mahigot na pagbabantay kan mga ini rason ngani na magdakol an bilang kan mga nag-ooperate nin iligal na pagmimina sa nasabing provincia kun saen, napabareta pa an pagkagadan kan duwang minero sa pinakahuring insidente sa sarung minahan sa nasabing banwaan.

Huli kaini, pormal nang rinibayan bilang acting Chief of Police si P/Sr. Insp. Honesto Garon ni P/Chief Insp. Arnulfo Maravilla Selencio, dating Police Information officer sa Camp Wenceslao Q. Vinzons Sr.

An nasabing lakdang an katakod kan kasuguan gikan sa oficina ni Interior and Local Government Secretary Jesse Robredo na tulos man nindang ipinautob.

Enot kaini, labi-labing nakigkig si Garon kan maresibe an relieve order na haros pirang bulan pa sana man na naninirbihan sa banwaan kan Paracale sa nasabing provincia.