LEGAZPI CITY - Dai lubos na makapanubod an caretaker kan sarung simabahan sa Catanduanes matapos na bumulaga sa saiyang hampang an malipot na asin nakabitay na bangkay na 42-anyos na lalaki matapos na mag suicide.

Binisto an biktima na si Bruno Reyes, mayong agom asin residente ng Brgy. Ismol Viga nasabing provincia.

Sa report na ipinaabot kan Catanduanes Provincia Police Office, pigsasabing bandang alas 5:30 nin hapon kan bubuksan kan dai na pinangarana na caretaker an saindang simbahan sa nasabing lugar, nakigkig na sana man ini kan mahiling na nakabitin an bangkay kan biktima.

Sa inisyal na imbestigasyon, pigsasabing labing kamunduan huli sa halawig ng panahong pamumuhay nin solo an rason kun nata nagdesisyon ining tapuson na an saiyang buhay.

Segun sa Catanduanes PPO, ini na an pang-apat ng insidente nin pag suicide sa saindang provincia kun saen, duwa sa mga ini an dagos na binawian nin buhay mantang duwa man an nakasalbar sa kamot ni kamatayan.