LEGAZPI CITY-- Nagkagurubot an trapiko sa mgadalan sa sarung banwaan sa Albay huli sa pagbisita asin pamamasyal kan grupong 2NE1 pop group kun saen, lider si Sandara Park.

Kun marurumduman, nauktaba kasuudma an gigibuhon kuta ng shooting kan grupo huli sa raot nin panahon.

Sa parte kan banwaa nin Daraga, kadakol na mga sakayan an haros dai na makahiro huli sa gabat kan bulos kan trapiko kun saen, amay na binista kan grupo an nagkapirang mga magagayon na pasyaran sa lugar.

Nakatalaan man na bisitahon kaini an nagkapira pang simbahan , siring kan anion sa banwaan kan Sto.Domingo asin nagkapirang resort sa provincia.

Nasa Albay an nasabing grupo para gibuhon na setting kan saindang TV series an nagkapirang isla asin simbahan digdi kun saen, anuman oras ngonyan na aldaw pwedi ng malawos asin punan an saindang shooting kun magdagos-dagos an magayon na kamugtakan kan panahon.