Akeanon News

KALIBO, Aklan - Patay ro sangka kabo sa sakada matapos nga maka-engkwentru ro magmaeanghud sa sueod it andang barracks sa Concepcion, Tarlac.

Dead on the spot ro victim-suspek nga si Alejandro Cristobal “alias Nene”, 35-anyos, samtang sa kritikal nga kundisyon ro naka-away kara nga si Jefferson Berdandino, parehong residente it Brgy. Cabayugan, Malinao, Aklan.

Sa kustodiya man makaron it alkalde it nasambit nga lugar ro sambilog pang suspek nga si Carmelo Berdandino.

Ginpahayag sa Bombo Radyo Kalibo ni Mr. Roger Saradulla, contractor it sakada nga nakaangkon it mainit nga diskusyon ro mga raya bangud sa sobrang kahilungon nga nagresulta sa andang pag-rambol.

Base sa report, unang gintadtad it buno ni Alejandro si Jefferson, apang nakadaeagan raya ag nakapangayo it bulig sa anang magueang nga kon sa siin kat makita nga duguan ro anang manghud hay insigida raya nga nagbo-oe it sanduko ag gintadtad man it eabu si Alejandro nga naging rason it anang kamatayon.

Sa makaron hay nagapabilin sa ospital sa Tarlac si Jefferson nga sa kritikal pang kundisyon.