Akeanon News

KALIBO, Aklan - Na-ospital ang isang lalaki matapos na maka-inom ng gasolina na nakalagay sa galon na napagkamalan nitong tubig.

Ang biktima ay kinilalang si Rodson Pintor, nasa legal na edad at residente ng Brgy. Man-up, Batan, Aklan.

Base sa report, pagod at masyadong uhaw umano ng umuwi ang biktima sa kanilang bahay mula sa kaniyang trabaho kaya't kinuha ang nakitang galon sa paniwalang tubig ang laman nito at agad na uminom.

Sinasabing naka-inom ang biktima ng gasolina kaya nakaramdam ito ng pagkahilo na agad namang isinugod ng kanyang pamilya sa Aklan Provincial Hospital.

Naka-oxygen hanggang sa ngayon ang biktima sa loob ng isolation room ng naturang ospital at patuloy na ginagamot ng kanyang mga doktor.