Akeanon News

KALIBO, Aklan - Suportado it mga negosyante sa isla it Boracay sa pagpanguna it Boracay Foundation Inc. (BFI) ag Philippine Chamber of Commerce and Industry (PCCI) Boracay Chapter ro operasyon it electronic tricycles ukon e-trikes sa nasambit nga isla.

Suno kay Dionesio Salme, presidente it BFI nga pinaagi sa e-trikes hay mabawasan ro polusyon sa isla it kapin sa 50 porsyento.

Nasayuran nga ro Boracay ro kauna-unahan nga tourism island nga magagamit it environment-friendly nga klase it transportasyon.

Ro e-trikes hay nagagamit it lithium battery nga gin-customize agud nga maging bagay sa mga mapiot nga karsadahon ag terrains it Boracay.

Nauna kara, ginpahayag it inventor nga si Sean Gerard Villoria nga sa mayad nga kundisyon, ro kada units it e-trikes hay magabuhay it waeong dag-on.