DAVAO CITY - Iniuugnay sa umaabot sa 30 kaso ng robbery si Bryan Macalos, 22-anyos, nakatira sa Isla Verde, Davao City na napatay ng mga otoridad kaninang madaling araw sa Sales street.

Ito'y matapos manlaban ang suspek sa mga pulis na magsisilbi sana ng warrant of arrest.

Ayon sa record ng Sta. Ana Police Station, nagsimulang magnakaw si Macalos sa edad na 15 taong gulang kung saan huling biktima nito ang dalawang studyante na sina Reña Lou, 20 at isang Arvie Calma.

Hinoldap umano ang mga studyante bandang alas- 11:45 kagabi kung natangay ng salarin ang bag ng biktima na may lamang dalawang cellular phone na nagkahalaga ng P8,000.

Napag-alamang sa buong rehiyon, nasa 61 ang naitalang robbery incidents sa kung saan 31 ang mula sa lungsod ng Davao.