GENERAL SANTOS CITY- Nahuli ang walong tulak ng shabu kasama na rito ang isang kilalang distributor ng illegal na druga sa joint operation City Public Safety Company at Philippine Drug Enforcement Agency (PDEA) region 12 dito sa lungsod.

Ayun kay PO3 Rey Casamayor, ang buy bust operation isinagawa sa isang bahay sa Litanville, Brgy. Sinawal ng lungsod at nahuli ang walong suspek kasama ang isangactive member ng CAFGU na si  Muhamad Gampong na nakabase  sa Cotabato City.

Nakuha mula sa mga suspek ang shabu na may street value na P300,000.

Inihayag ni Casamayor na patuloy pang kinikilala ang kasamahan ni Gampong na kasalukuyang nakakostudiya sa CPSC. 

Naniniwala ang nasabing imbestigador na mula sa Cotabtao City ang naturang druga na inihatid mismo sa bahay ni Gampong.

Ang walong suspek ay nakatakdang sampahan ng kaso.