Binuweltahan ng ilang senador ang Kamara de Representantes matapos akusahan ang mga senator-judges na walang parliamentary courtesy sa impeachment trial kay Chief Justice Rebato Corona.

Ayon kay Senate Majority Leader Tito Sotto, nakakalimutan yata ng mga kongresista na hindi umuupo ang Senado bilang legislative body kundi bilang isang impeachment court.

"Probably we should remind some of our colleagues that as a Senate and the House of Representatives there is really what we call parliamentary courtesy, siguro sa mga nasa lugar na bagay pero as an impeachment court, nakakalimutan nila na hindi kami Senate, impeachment court ‘yon, kailangan ma-realize ng mga kababayan natin na ibang klase pagka impeachment court, we are no longer part of the Congress, we are wearing different hat at hindi na kami kasama sa tinatawag na kabuoan ng parliament," ayon kay Sotto.

Ito rin ang naging pahayag ni Sen. Ping Lacson sa pagsasabing hindi maaaring maipatupad ang parliamentary courtesy dahil ang pagharap ng mga kongresista sa impeachment court ay hindi bilang kongresista kundi bilang prosecutor habang tumatayong huwes naman ang mga
senador.

Nabatid na kahapon ay makailang beses na sinabon ni Senate President Juan Ponce Enrile bilang presiding officer ang prosecutors ng Kamara sa pamununo ni Rep. Niel Tupas.