Aminado ang pamunuan ng PNP-CIDG na patuloy pa rin ang pagkalat ng kopya ng sex video ng napaslang na si Ramgen Revilla at girlfriend na si Janelle Manahan sa iba't-ibang panig ng bansa.

Ayon kay P/Supt. Emma Libunao ng CIDG Women and Children’s Protection Division, limang katao ang panibagong naaresto ng pulisya mula sa Cainta, Rizal na lantarang nagbebenta ng kopya ng sex video ng dating magkarelasyon.

Inihahanda na rin aniya ng kanilang tanggapan ang kasong isasampa laban sa mga naaresto na paglabag sa R.A 9995 o ang Anti-Photo and Video Voyeurism Act.

Nangako naman ang pamunuan ng tanggapan na magpapatuloy ang kanilang operasyon lalo pa't kamakailan ay humingi na ng tulong sa kanila si Manahan.