Matapos ang ilang oras na direct examination ng prosekusyon at calrificatory questions ng mga senator-judges kay DoJ Sec. Leila de Lima, isinailalim na rin ngayon ng depensa sa cross examination ang kalihim.

Mismong si dating Justice Sec. Serafin Cuevas ang nagtatanong kay De Lima na kasalukuyang nakaupo ngayon sa DoJ.

Unang binigyang punto ni Cuevas ang hindi pag-review o pag-reverse ng justice secretary sa naging desisyon ng Korte Suprema kaugnay sa TRO para sa pagpagamot sa ibang bansa ng dating Pangulong Gloria Macapagal-Arroyo at dating First Gentlemen Mike Arroyo.

"I did not see in the functions of the Justice Sec to review or reverse any decision of the Supreme Court" ani Cuevas.