Sinopla ni dating Justice Serafin Cuevas ang napakahabang salaysay ni Justice Sec. Leila de Lima kaugnay sa mga pangyayari bago at pagkatapos ng pagpapalabas ng TRO ng Korte Suprema sa watchlist order (WLO) ng DoJ.

Ayon kay Cuevas, sa haba ng mga pahayag ni De Lima ay lumalayo na ito sa tunay na paksa ng impeachment trial.

Maging ang opinyon umano ng kalihim ay nagiging laman na ng mga pagtatanong ni Northern Samar Rep. Raul Daza.

Nababahala si Cuevas na lalo pang malayo ang usapin sa lihitimong paksa, bukod pa sa oras na masasayang sa pakikinig ng mga pahayag ni de Lima.