Inamin ni Isabela 4th District Rep. Giorgidi Aggabao na wala na silang maihaharap na testigo para sa mga isyung nilalaman ng ikatlong artikulo ng kanilang reklamo.

Mula aniya sa Article 3.1 hanggang Article 3.3 ay tanging ang testimonya na lamang ng kanilang testigong si Flight Attendants and Stewards Association of Philippines (FASAP) president Roberto Anduiza.

Una nang ibinasura ng Senate Impeachment Court ang testimonya ni PAL Vice President for Sales Enrique Javier dahil sa kawalan umano ng kaugnayan ng mga pahayag nito sa alinmang bahagi ng alegasyon kay Corona.

Si Anduiza ay naiharap na ng House panel noong mga nakaraang araw.