TEXAS - Napanatili ni WBC silver super welterweight at former Olympian Vanes Martirosyan (32-0, 20 KOs) ang malinis nitong rekord matapos pabagsakin ang 41-anyos na si Troy Lowry (27-12, 15 KOs).

Sa first round pa lamang, isang solid left hook ni Martirosyan ang nagpabasak sa challenger.

Sa Round 2, nagtamo ng malaking sugat sa kaliwang mata si Lowry dahilan para lalong maapektuhan ang performance nito.

Pagsapit ng ikatlong round, muling pinabagsak ng kampeon ang kalaban sa isang straight right hand, dahilan para pumagitna na si referee Laurence Cole at ideklarang tapos na ang laban.

Ang Martirosyan versus Lowry bout ay bahagi ng undercard events sa laban nina Filipino boxer Nonito Donaire at Wilfredo Vazquez Jr. ng Puerto Rico.