Pumalo na sa walong aftershocks ang naitatala ng Philippine Institute of Volcanology and Seismology (Phivolcs) sa Eastern Samar matapos ang malakas na 5.9 magnitude na kanilang naitala o 6.0 naman sa record ng US Geological Survey (USGS).

Ayon sa Phivolcs, nairehistro ang mga pagyanig ganap na alas-9:19 ng gabi (magnitude 5.0); alas-9:25 ng gabi (magnitude 4.2); alas-9:46 ng gabi (magnitude 4.3); alas-10:48 ng gabi (magnitude 3.7); ala-1:28 ng madaling araw (magnitude 3.6); alas-3:17 ng madaling araw (magnitude 3.3); alas-3:29 ng madaling araw (5.0 magnitude) at alas-3:42 ng madaling araw (magnitude 1.6).

Ngayong Pebrero lamang ay 15 ulit nang niyanig ng lindol ang Eastern Samar province.

Patuloy naman ang monitoring ng Phivolcs sa posible pang mga aftershocks ngayong maghapon.