Tiniyak ngayon ng gobyerno na nakahada sila laban sa anumang paghihiganti ng Abu Sayyaf Group (ASG) at Jemaah Islamiyah (JI) kasunod ng pagkakapaslang sa tatlo nilang lider.

Una ng sinabi ng Armed Forces of the Philippines (AFP) na inalerto na nila ang mga tropa lalo sa Mindanao laban anumang retaliatory attacks ng mga terorista.

Sinabi ngayon ni DILG Sec. Jesse Robredo, laging nakaalerto naman ang PNP upang hindi makapagsamantala ang mga kalaban ng estado.

Pero ayon kay Robredo, hindi maaaring pag-usapan ang kanilang ginagawang preparasyon bilang bahagi ng standard operating procedure (SOP).

Wala namang nabanggit si Robredo na intelligence report hinggil sa tangkang paghihiganti ng ASG o ng JI.