DAVAO CITY - Tuluyan nang tinalikuran ng aabot 303 na mass supporters ng Organized Crime Group (OCG) na pinaniniwalaang may kaugnayan sa New People's Army (NPA).

Inihayag ng 10th Infantry Division na 10 sa 303 supporters ang may direktang partisipasyon sa mga criminal activities ng OCG kung saan karamihan sa kanila ay pawang mga residente nga Barangay Little Baguio sa bayan ng Malita, Davao del Sur.

Dagdag pa ni 10th ID na nagkaroon na sila ng initial coordination sa pagitan ng Office of the Presidential Adviser for Peace Process (OPAPP) para sa pagpapatupad ng kanilang mga proyekto para sa mga surrenderee.

Ang malakihang pagsuko umano ng mga rebelde ay pagpapatunay lamang na naging epektibo ang kanilang kampanya na paghatid ng pangunahing serbisyo sa mga malalayong lugar .

Pinakikita rin umano nito na mas malaki ang tiwala ng mga sibilyan sa mga sundalo kaysa NPA.