Tiniyak ni Comelec Chairman Sixto Brillantes na makapag-aanunsyo na sila ng bagong kongresista para sa lalawigan ng Zambales, bilang kapalit ng pumanaw na si 2nd District Rep. Antonio Diaz.

Ayon kay Brillantes, kahit mamayang madaling araw ay magpoproklama sila ng nanalo sa isinagawang special elections nitong Sabado.

Sa ngayon ay natapos na ang bilangan sa precinct level at opisyal na bilang na lamang ng provincial level ang kanilang inaabangan.

Umaabot sa lima ang nakilahok sa naturang halalan, kabilang na sina dating Vice Gov. Cheryl Deloso-Montalla mula sa Liberal Party; Rica Victoria Diaz-Arambulo ng Nacionalista Party; Jun Omar Ebdane ng Partido ng Manggagawa at Magsasaka; Board Member Wilfredo Pangan ng Independent at Alfred Mendoza na isang independent candidate.