CAUAYAN CITY, Isabela – Napatay ang tatlong  miyembro ng New People's Army (NPA) sa naganap na labanan sa mga sundalo ng 503rd Infantry Batallion Philippine Army sa Barangay Ud-udiao, Sallapadan, Abra.

Sa naging panayam ng Bombo Radyo Cauayan, sinabi ni Col. Mike Puyao, G-7 ng Infantry Division Philippine Army sa Camp Melchor dela Cruz, Upi, Gmu, Isabela, sinabi nito na naganap ang sagupaan  nang lusubin ng militar ang kuta ng mga NPA.

Ang tropa ng reconnaissance company ng 503rd IB ay pinamunuan ni 2Lt. Torre Palma.

Hinihinalang umaabot sa 20 NPA ang nagkukuta sa lugar.

Ayon kay Puyao, hindi pa nakikilala ang mga napatay na NPA at patuloy ang pagtugis ng mga tropa ng pamahalaan sa mga kasamahan nilang tumakas.

Narekober din ng mga sundalo sa pinagkukutan ng mga rebelde ang isang cal. .45 na baril.