Galit na galit daw ngayon si three-division world champion Nonito Donaire matapos na nakawin ang tatlong maliliit na bandila na kanyang gagamitin bukas sa pag-akyat sa ring.

Ayon sa The Filipino Flash, bumili siya ng maliit na Philippine flag subalit ang naiwan na lamang ay ang patpat o stick at wala na ang bandila.

Pikon na pikon na inihayag ni Donaire na ang mga nasa likod ng pagkuha sa kanyang Philippine flag ay naghahanap ng giyera kaya kakasa siya.

"I bought 3 Philippine flags with me and someone stole em all n left the pole!  The ppl rnt starting a riot, they starting a war now!" bahagi ng pahayag ni Donaire sa Tweeter.

Samantala, ilang oras bago ang laban sa dating world champion na Puerto Rican boxer na si Wilfredo Vazquez Jr, sinabi Pinoy champion na inaasahan niya ang pinakamagaling na Vazquez na kanyang makakaharap.

Kung maaalala sa huling laban ni Vazquez ay natalo siya ni Jorge Arce.

Alam ni Donaire na determinado si Vazquez upang makabawi lalo na at walang mawawala rito sakaling matalo pa niya.

Sa pustahan ng mga mananaya, liyamadong liymado si Donaire kung saan lumalabas sa betting odds na 15-1.

Kanina walang kahirap hirap na pumasa sa official weigh-in sina Donaire at Vazquez kung saan pag-aagawan nila ang bakanteng WBO super bantamweight title sa Alamodome Texas.