Tahasang tinukoy ni Justice Secretary Leila De Lima ang ginagawang pangha-harass ni dating National Bureau of Investigation (NBI) director Magtanggol Gatdula sa mga miyembro ng Department of Justice (DOJ) fact finding team na nag-imbestiga sa kidnapping case ng isang Haponesa. 

Sinabi ni De Lima, nakakatanggap daw ng pananakot si Justice Usec. Francisco Baraan III, maging si Special Investigator Jose Odelon at ilang miyembro ng pamilya nito. 

Dagdag pa ng kalihim, may listahan daw siya ng mga lugar kung saan makikitang umaaligid ang ilang mga sasakyan ng NBI at tila minamanmanan ang bawat galaw ng mga miyembro ng fact finding panel. 

Kung maalala, nagpalabas ng 72-hour temporary restraining order (TRO) ang korte dahilan para mapurnada ang preliminary investigation sa kaso ni Gatdula.