Patuloy na minomonitor ng Pagasa ang isang weather system sa bahagi ng South China Sea na posible umanong maging low pressure area sa mga susunod na araw.

Ang nabanggit na weather system ang siya umanong nagpapaigting sa epekto ng cold front na nagdudulot naman ng matinding mga pag-ulan sa Northern at Central Luzon kasama na ang Metro Manila.

Una ng sinabi na mayroon pang apat na bagyong inaasahang papasok sa bansa bago magtapos kasalukuyang taon.

Samantala, nakakaramdam na ng 19 degree Celsius na antas ng lamig ang maraming lugar sa Extreme Northern Luzon dulot Northeast Monsoon o hanging Amihan.

Ito umano epekto na rin ng pagkapal ng yelo sa bahagi ng Siberia.