DAVAO CITY – Maging si DoJ Secretary Laila De Lima ay namangha sa nakitang recovery ni alyas Florence, ang 21-anyos na volunteer nurse na biktima ng gang-rape sa South Upi, Maguindanao.

Dakong alas sais na kagabi nang dumalaw si De Lima kay Florence sa kanyang kwarto sa 4th floor ng Southern Philippines Medical Center (SPMC).

Ayon kay De Lima, kakaiba na ang kanyang nadatnang Florence dahil nakakapagsalita na at makalakad na rin.

Noong una umano niya itong nakaharap at kinakausap ay puro iyak lamang ito.

Umaasa na lamang ang kalihim na sa malaon din ay ang mismong biktima na ang kumilala at magpatibay sa kaso laban sa pangunahing suspek sa paggahasa at nagtangkang pumatay sa kanya.