Bagama't lifted na ang nationwide gun ban sa malaking bahagi ng bansa, mananatili naman umano ang pagpapatupad nito sa ilang lugar na magdaraos ng special elections sa Sabado.

Ayon kay Comelec Commissioner Lucenito Tagle, kabilang sa mga ito ay ang Malolos, Bulacan; Lanao del Sur at Basilan.

Layunin ng extended gun ban na maiwasan ang pagsasamantala ng ilang political groups na gumagamit ng impluwensiya at dahas upang magkaroon ng pagkakataong makaupo sa puwesto.

Magugunitang sa nakalipas na Comelec gun ban ay halos 1,000 indibidwal ang naaresto dahil sa pagdadala ng iba't-ibang uri ng armas.