Welcome sa Malacañang ang pagpabor ni dating US President Bill Clinton sa conditionl cash transfer (CCT) ng gobyerno para labanan ang kahirapan sa bansa.

Magugunitang kahapon, bago nagsagawa ng lecture si Clinton, nakipagpulong muna ito sa Pangulong Benigno "Noynoy" Aquino III kasama sina Finance Sec. Cesar Purisima at iba pang miyembro ng gabinete.

Sinabi ngayon ni Communications Sec. Ricky Carandang, isa itong positibong indikasyon lalo pa't maraming taga-oposisyon ang pilit na humaharang sa conditional cash transfer.

Ayon kay Carandang, natutuwa sila dahil kinikilala ni Clinton ang programa bilang epektibong paraan sa pagsugpo ng kahirapan.

Sa kabila nito, hindi naman nakatitiyak ang opisyal kung may epekto ito sa mga senador na nakatakdang bubusisi sa kontrobersyal na propgrama na may P21 billion na pondo.

Maliban dito, wala umanong payo si Clinton sa Pangulong Aquino at nagbahagi lamang ito ng mga karanasan at advocacy ng Clinton Global Initiative na may pangunahing agenda sa pagresolba ng kahirapan at gutom sa mundo.

"Well, mahirap hulaan kung ano ang magiging reaksyon ng Senado doon sa mga sinabi ni dating Pangulong Clinton. Suffice to say that President Clinton says that he
supports the conditional cash transfer program at hindi naman ito bago 'no. Other countries have tried this, most notably, Brazil and we saw reductions in poverty overtime because of that conditional cash transfer program. So hindi naman po ito idea na hindi pa naman nasusubukan 'no. Nasubukan na ito sa ibang mga bansa so I think Pres. Clinton is aware of this and that's why he supports the program," ani Carandang.