YOKOHAMA, Japan - Balak ngayon ng Asia-Pacific Economic Cooperation (APEC) Summit na palakasin ang tinatawag na small medium enterprises (SMEs) sa mga miyembrong bansa.

Ang APEC ay binubuo ng 21 miyembrong ekonomiya na kinabibilangan ng Pilipinas.

Sentro ng APEC Summit na ginaganap sa Yokohama, Japan ang temang "Change and Action."

Buwena-mano sa serye ng pagpupulong ang tinatawag na APEC SME Summit na dadaluhan ng nasa 600 opisyal mula sa 25 bansa sa Asia-Pacific region.

Ito ay pangungunahan ng Japan Chamber of Commerce and Industry at maging highlight dito ang prinsipyong ang mga "malalaking punong kahoy ay galing mula sa maliliit na buto o butil."

Dito pagtutuunan ang mga mahahalagang isyung may kaugnayan sa SMEs na maituturing na bedrock o pundasyon ng ekonomiya ng rehiyon. (Reymund Tinaza)