COPENHAGEN, Denmark - Nalagay ngayon sa "hot seat" si Finnish First Gentleman Pentti Arajarvi makaraang makunan ng camera at ma-broadcast sa buong mundo ang pagnanasa nito sa dibdib ni Princess Mary ng Denmark.

Naganap ang pangyayari sa dinner na ibinigay ni Denmark Queen Margrethe II sa Copenhagen.

Magkatabi sa upuan sina Arajarvi, 63, at si Princess Mary na misis ni Crown Prince Frederik, sa naturang dinner.

Kasama rin sa nasabing hapunan ang misis ni Arajarvi na si Finland President Tarja Halonen.

Sa nakuhang video, kitang-kita na mas interesado ang First Gentleman sa katabi kaysa pagkain at titig na titig ito sa cleavage ni Princess Mary.

Maging si Princess Mary ay napuna ang may pagnanasang tingin ni Arajarvi at asiwa nitong tiningnan ang katabi sabay ayos ng kaniyang damit.

Hindi nakalampas sa local media sa Denmark ang ginawa ng Finnish first gentleman at inulan ito ng batikos. (ABC)