LONDON - Matapos ang kontrobersiyal na dirty finger gesture sa Super Bowl halftime show, ang award-winning singer naman ngayon na si Adele ang umaani ng batikos.

Ito'y makaraang nag-dirty finger din ang singer sa gitna ng kaniyang acceptance speech sa  Brit awards for music.

Tinanggap ni Adele ang best album award at nang mag-speech ito, sumingit ang host na si James Cordon at ipinakilala ang pop band na Blur.

Nagalit ang "Rolling in the Deep" singer at nag-dirty finger sign kasabay ng pag-boo ng audience.

Paliwanag ng singer, hindi para sa audience ang kaniyang ginawa kungdi para sa Brit Awards dahil nainsulto umano siya.

"I flung the middle finger. That was for the suits at the Brit Awards, not my fans," ani Adele. "I'm sorry if I offended anyone but the suits offended me." (People)