LOS ANGELES - No comment pa sa ngayon ang kampo ni Demi Moore sa paglabas ng balitang tuluyan ng nagpa-rehab ang Hollywood actress.

Batay sa ulat, pumasok sa isang rehab facility sa Utah si Demi para magamot ang pagiging adik kasunod ng paghihiwalay nila ng mister na si Ashton Kutcher.

Nag-check in umano si Moore sa Cirque Lodge, ang rehab center na umano'y pinasukan din nina Lindsay Lohan, Eva Mendes at Mary-Kate Olsen.

Napag-alaman na kamakailan ay isinugod sa ospital ang 49-year-old actress dahil sinasabing nagkaroon ito ng substance abuse. (ET)