LOS ANGELES - Ang American Idol runner-up na si Adam Lambert ang bagong frontman ng legendary rock band na Queen.

Sinasabing si Lambert ang papalit sa idolo niyang si Freddie Mercury na namayapa na.

Mismong ang singer ang nagkumpirma na magiging bahagi siya ng Queen, bilang trbute umano sa idolo niyang si Mercury.

"The intention is to pay tribute to Freddie and the band by singing some f**king great songs,"ani Lambert. "It's to keep the music alive for the fans and give it an energy that Freddie would've been proud of."

Subalit ayon sa Hollywood Records, ang label ng Queen, hindi pa ito kumpirmado.

Wala umanong pinirmahang kontrata na magiging permanent member na ng Queen si Lambert.

Sinasabing magiging frontman lang si Lambert ng banda sa gagawing concert tour ngayong taon.

Ang Queen ang nagpasikat ng mga awiting "Bohemian Rhapsody," "We Will Rock You," "We Are the Champion" at marami pang iba. (Rolling Stone)