Momoland tumikim ng bagnet, ‘poqui poqui’ sa Ilocos Sur

VIGAN CITY – Damang-dama na ang Korean vibes sa Ilocos Sur kasunod ng pagdating ng sikat na girl group na Momoland para sa kanilang mini concert at iba pang proyekto sa lalawigan.

Napasubo agad ang sikmura ng Korean pop group nang ipatikim sa kanilang ilang sikat na local dishes gaya ng bagnet, Vigan longganisa at “poqui poqui” o inihaw na talong, na ginasa sa itlog.

Sa panayam ng Bombo Radyo sinabi ni Ryan Astom, provincial tourism officer, na nakatakdang ikutin ng grupo ang sikat na tourist destinations sa lalawigan, gayundin na may mga nakalatag pa silang aktibidad.

Bukod dito, nakatakda ring gumawa ng promotionala video para sa Ilocos Norte ang hitmakers ng “Boom Boom.”

Nakatakda raw itong i-ere sa South Korea at ilang bansa sa Southeast Asia.