NAGA CITY - Inaabangan ngayon kung mapagtatagumpayan ng provincial government ng Camarines Sur na burahin ang record ng bansang India bilang lugar na may pinakamaraming naitanim na punong kahoy sa loob ng isang oras.

Sa panayam ng Bombo Radyo Naga kay Ms. Che Bermeo ng Governor's Office, ngayong araw isinagawa sa bayan ng Siruma ang sabay sabay na pagtatanim ng punong kahoy ng 10,000 mga Bikolano na magtatanim ng 80,000 punong kahoy sa loob lamang ng isang oras.

Ayon kay Bermeo, ang aktibidad na ito ay bahagi ng proyektong "El Verde 12 million trees by 2012."

Si President Noynoy Aquino ay nauna nang bumisita kahapon at pinangunahan ang ceremonial launching ng El Verde sa Santo Nino Pili, Camarines Sur.

Samantala sa Guiness Book of World Record, hawak ng India ang record matapos makapagtanim ang 9,000 Indian nationals ng 50,000 punong kahoy sa loob ng isang oras.