President Rodrigo Duterte (Photo from Philippine Primer)
Kumbinsido si Pangulong Rodrigo Duterte na sadyang ginawa ng Office of the Ombudsman ang rekomendasyong kasuhan si dating Pangulong Noynoy Aquino kaugnay sa Mamasapano incident kahit alam nilang kalaunan ay mababasura lang din.
Sa ambush intervies, sinabi ni Pangulong Duterte na bugok ang rekomendasyon ng Ombudsman na kasuhan ng usurpation of authority si Aquino.
Ayon kay Pangulong Duterte, bilang dating government prosecutor, alam nitong walang patutunguhan ang kaso kundi basurahan dahil prerogative o opsyon ni Aquino na kumuha ng advisero para sa Oplan Exodus at nagkataong si suspended PNP Chief Alan Purisima ang kanyang pinagkakatiwalaan sa operasyon.
Iginiit pa ng pangulo na maari ding akuin ni Aquino ang mga naging desisyon ng kanyang adviser sa operasyon at mga opisyal ng AFP at PNP noon dahil sa nasabing panahon, walang makakuwestiyon sa dunong at diskresyon ng commander-in-chief.
“Hindi trabaho ng abo…. B**** man ‘yung rekomendasyon na ‘yun. You know, the President is the Commander-in-Chief of all Armed Forces. Okay? The police is a civilian entity under DILG. Correct? Yes. But he is also chief of the Executive department. Ang police under ni presidente, ako ‘yon — para mas madali intindihin — ako ‘yon. If I order an operation and from my mouth I would say, “Go there and fight or arrest this person or maintain order.” That by itself is like the Commander-in-Chief, Chief Executive ka. Ngayon, ‘yung ginawa ng mga pulis pati ni Purisima kung sino doon, kanya ‘yun, because hindi mo masabi usurpation of authority because lahat na ‘yung sinabi nila are merged in one person, the Chief Executive, the President. He can call anybody to help him fight a criminal operation there. He was not using an administrative talent — in appointments, in signing there was… He was just asking for the advice from a professional police. I do not see anything wrong there. Nothing was signed. Nothing was [inaudible] by Purisima except that he was helping the President implement the law. Ngayon, kung sino ‘yung utusan niya wala kang pakialam because he has the trust. Wala man… Purisima was not in the operation. He was putting inputs doon so…So pagka by ‘yung usurpation, all of those powers are vested in the President. The charges are — they are there to ensure its failure,” ani Pangulong Duterte.
Copyright 2017 Bombo Radyo Philippines | All Rights Reserved