DAR Secretary, nangiddan kan CLOA tya Cagayan

TUGUEGARAO CITY – Hinyan kanu peba nga 500,000 hectares nga lusak ya pede nga meddan ya gubyernu kan makkusetya ira kan enteru nga Pilipinas.

Yaw ya nekahi i Department of Agrarian Reform (DAR) Sec. John Castriciones kattu nangiddan kan Certificate of Land Ownership Award (CLOA) kanyo benepisaryu ira kan Cagayan.

Kanyo pagergo na, nekahi i Sec. Castriciones nga hinyan peba 561,000 ektarya nga lusak ya nebbon i Pangulong Rodrigo Duterte nga meyawat ira kan maziriyyat nga makkusetya tapenu masolban ya insurhensiya.

Fera peba yaw tya 261,000 ektarya nga lusak ya gubyernu nga iproseso da tapenau ma-i-land reform.

Nekahi ya kalihim nga ya gungut lusak e isa nga rason tapenu marrebelde ya totolay yan ta dakal yaw nga uffun tya makkusetya nga meddanan da kan titulu ya lus ak.

Kanyaw Cagayan, 590 nga Agrarian Reform Beneficiaries (ARBs) tya isa nga city en 13 nga munisipiyo ya nakakalak kan titulo yo lusak kan 900 ektarya nga neddan ya kalihim.