Anak sa local media man sa Butuan, nagpusil sa kaugalingon-patay

BUTUAN CITY – Blangko pa ang pamilya Tito sa rason sa pagtubok sa ilang kabanay’ng ulitawo pinaagi sa pagpusil sa iyang ulo kagahapon sa alas-10:22 sa buntag.

Naila ang biktimang si Ismael Mark Tito, 37-anyos, residente sa R. Calo St., Brgy. Golden Ribbon ning siyudad sa Butuan anak sa local media man nga si Jun Tito.

Sigon sa asuy sa inahan niining si Celina, posibleng gikaguol nini ang pagbiya sa ka-ipon sa iyang anak rason sa pagkutlo sa iyang kinabuhi.

Nakadungog na lang siya og buto sa armas og dihang iya kining gisusi, nakita na lang niining nagbuy-od na ang patay’ng lawas sa biktima. Sigon usab sa higala ni Tito, mipalit pa kini og ilimnon kagabii adiser ang maong insidente.

Narekober sa crime scene ang usa ka kalibre 38 nga revolver nga duna pa’y tulo ka mga buhing bala og usa ka basiyo niini nga ipa-ilalom sa ballistic examination samtang ipa-ilalom usab sa paraffin test kamot sa biktima aron makumpirma ang kamatu-uran sa maong insidente. (Beth Ruiz)