AFP chief Gen. Guerrero extended ng 6-mos. – Malacañang

Inianunsyo ngayon ng Malacañang ang pagpapalawig sa termino o tour of duty ni AFP Chief of Staff General Rey Leonardo Guerrero.

Sinabi ni Presidential Spokesman Harry Roque, nilagdaan ni Pangulong Rodrigo Duterte kahapon ang dokumento para extension ng termino ni Gen. Guerrero.

Ayon kay Roque, anim na buwan pang mananatili si Guerrero sa tungkulin sang-ayon sa pinapayagan ng Republic Act No. 8186.

Si Guerrero ay nakatakdang magretiro sa December 17, 2017 dahil sa mararating na niya ang tinatawag na compulsory retirement age.

“This is to announce that the Executive Secretary, by authority of the President, has signed yesterday, December 6, the extension of the service of Armed Forces of the Philippines Chief of Staff General Rey Leonardo Guerrero. AFP Chief of Staff General Guerrero will reach his age of compulsory retirement on December 17, 2017, and the President has extended his service to April 24, 2018, as per Republic Act No. 8186, or six months since he assumed office as AFP Chief of Staff,” ani Sec. Roque.

Kahapon lamang ay inaprubahan ng Commission on Appointments (CA) ang ad interim appointment ni Guerrero kung saan unanimous itong kinumpirma ng mga CA members.